دل درد آشنا کا مدعا کیا
دل درد آشنا کا مدعا کیا
کسی بیداد کی کیجے دوا کیا
ہوا انساں ہی جب انساں کا دشمن
شکایت پھر کسی کی کیا گلہ کیا
بہار تازہ آئی گلستاں میں
کھلائے جانے گل باد صبا کیا
وہ کہتے ہیں نشیمن ترک کیجے
چلی گلشن میں یہ تازہ ہوا کیا
اٹھی انسانیت یکسر یہاں سے
یکایک خوئے انساں کو ہوا کیا
نہیں معلوم مستقبل کسی کو
مراحل پیش آئیں جانے کیا کیا
اجڑ کر رہ گیا دو دن میں ہے ہے
مرے گلزارؔ ہندی کو ہوا کیا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
