aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dil-e-pur-KHun jo jam hai mera

Meerza Jawan Bakht Jahandar

dil-e-pur-KHun jo jam hai mera

Meerza Jawan Bakht Jahandar

MORE BYMeerza Jawan Bakht Jahandar

    dil-e-pur-ḳhūñ jo jaam hai merā

    ḳhuun sharb-e-mudām hai merā

    riñd-o-āvāra naam hai merā

    sab meñ ye ehtirām hai merā

    aariz o zulf-e-yār dhyān

    mūnis-e-sub.h-o-shām hai merā

    umr guzrī ki misl-e-naqsh-e-qadam

    us rah meñ qayām hai merā

    aah ik din bhī dekh kar na kahā

    ye bhī kui naqsh-e-gām hai merā

    qāsid us harf-e-nā-shunū tak jald

    yahī jāgah payām hai merā

    abhī aanā hai to shitābī aa

    kaam varna tamām hai merā

    hai usī but ke tāq-e-abrū ko

    jo sujūd o salām hai merā

    gaah be-ḳhud huuñ gah ba-ḳhud har dam

    kuuch aur ye maqām hai merā

    ai 'jahāñdār' huuñ maiñ said-e-asīr

    har ḳham-e-zulf daam hai merā

    dil-e-pur-KHun jo jam hai mera

    KHun sharb-e-mudam hai mera

    rind-o-awara nam hai mera

    sab mein ye ehtiram hai mera

    aariz o zulf-e-yar ka dhyan

    munis-e-subh-o-sham hai mera

    umr guzri ki misl-e-naqsh-e-qadam

    us ki rah mein qayam hai mera

    aah ek din bhi dekh kar na kaha

    ye bhi kui naqsh-e-gam hai mera

    qasid us harf-e-na-shunu tak jald

    yahi jagah payam hai mera

    abhi aana hai to shitabi aa

    kaam warna tamam hai mera

    hai usi but ke taq-e-abru ko

    jo sujud o salam hai mera

    gah be-KHud hun gah ba-KHud har dam

    kuch aur ye maqam hai mera

    ai 'jahandar' hun main said-e-asir

    har KHam-e-zulf dam hai mera

    Source:

    Deewan-e-Jahandaar (Pg. ebook-71 page-64)

    • Author: Meerza Jawan Bakht Jahandar
      • Edition: 1966
      • Publisher: Syed Imtiyaz Ali Taj, Majlis-e-Taraqqi-e-Adab, Lahore
      • Year of Publication: 1966
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now