دل گیا بے قراریاں نہ گئیں
دل گیا بے قراریاں نہ گئیں
عشق کی خامکاریاں نہ گئیں
مر مٹے نام پر وفا کے ہم
تیری بے اعتباریاں نہ گئیں
لب پہ آیا نہ اس کا نام کبھی
غم کی پرہیز گاریاں نہ گئیں
کھپ گئی جان بجھ گئے تیور
اشک کی تابداریاں نہ گئیں
توبہ کرنے کو ہم نے کی تو مگر
توبہ کی شرمساریاں نہ گئیں
جان آ ہی گئی لبوں پہ مگر
شوق کی پردہ داریاں نہ گئیں
وہ ہے کینہ کہ سرد مہری ہے
اپنی جانب سے یاریاں نہ گئیں
گریہ بھی ہے اثرؔ کا مستانہ
نہ گئیں بادہ خواریاں نہ گئیں
یہ متن درج ذیل زمرے میں بھی شامل ہے
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
