dil hai ki justuju ke sarabon mein qaid hai
dil hai ki justujū ke sarāboñ meñ qaid hai
varna har ek chehra naqāboñ meñ qaid hai
fursat kahāñ ki DhūñDe ġham-e-dahr kā ilaaj
har shaḳhs apne ġham ke hisāboñ meñ qaid hai
kyā ḳhaak hoñ nasīb yahāñ sar bulandiyāñ
josh-e-amal to aaj kitāboñ meñ qaid hai
tasḳhīr-e-kā.enāt kī mohlat kise yahāñ
har zehn apne jumla hisāboñ meñ qaid hai
suune paḌe haiñ dil ke dar-o-bām in dinoñ
jalvoñ kā ehtimām hijāboñ meñ qaid hai
le de ke bach rahī hai jo tahzīb kī zabāñ
'ma.asūm' vo bhī ālī-janāboñ meñ qaid hai
dil hai ki justuju ke sarabon mein qaid hai
warna har ek chehra naqabon mein qaid hai
fursat kahan ki DhunDe gham-e-dahr ka ilaj
har shaKHs apne gham ke hisabon mein qaid hai
kya KHak hon nasib yahan sar bulandiyan
josh-e-amal to aaj kitabon mein qaid hai
tasKHir-e-kaenat ki mohlat kise yahan
har zehn apne jumla hisabon mein qaid hai
sune paDe hain dil ke dar-o-baam in dinon
jalwon ka ehtimam hijabon mein qaid hai
le de ke bach rahi hai jo tahzib ki zaban
'masum' wo bhi aali-janabon mein qaid hai
Source:
Rooh-e-Ghazal,Pachas Sala Intekhab (Pg. 771)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
