dil hai ki mohabbat mein apna na paraya hai

Nushur Wahidi

dil hai ki mohabbat mein apna na paraya hai

Nushur Wahidi

MORE BY Nushur Wahidi

    dil hai ki mohabbat meñ apnā na parāyā hai

    kuchh soch ke us ne bhī dīvāna banāyā hai

    jo vaqt ki guzrā hai jazbāt ke kūche meñ

    kuchh raas nahīñ aayā kuchh raas bhī aayā hai

    āsāñ nahīñ ye aañsū aayā hai jo palkoñ par

    rag rag se lahū le kar dīpak ye jalāyā hai

    ik rabt-e-hasīñ dekhā be-rabtī-e-ālam meñ

    hañgāma sahī lekin hañgāma sajāyā hai

    pahchān liye ham ne tevar ġham-e-daurāñ ke

    duniyā meñ rahā lekin dhokā nahīñ khāyā hai

    rahbar ho ki shā.er ho kyā apnī ḳhabar us ko

    ḳhud kuchh bhī nahīñ sīkhā duniyā ko sikhāyā hai

    naġhma hai 'nushūr' apnā afsurda-e-ġham lekin

    ehsās mahfil meñ kuchh rañg to aayā hai

    dil hai ki mohabbat mein apna na paraya hai

    kuchh soch ke us ne bhi diwana banaya hai

    jo waqt ki guzra hai jazbaat ke kuche mein

    kuchh ras nahin aaya kuchh ras bhi aaya hai

    aasan nahin ye aansu aaya hai jo palkon par

    rag rag se lahu le kar dipak ye jalaya hai

    ek rabt-e-hasin dekha be-rabti-e-alam mein

    hangama sahi lekin hangama sajaya hai

    pahchan liye hum ne tewar gham-e-dauran ke

    duniya mein raha lekin dhoka nahin khaya hai

    rahbar ho ki shaer ho kya apni KHabar us ko

    KHud kuchh bhi nahin sikha duniya ko sikhaya hai

    naghma hai 'nushur' apna afsurda-e-gham lekin

    ehsas ki mahfil mein kuchh rang to aaya hai

    Source:

    • Book: Sawad-e-manzil (Pg. 255)
    • Author: Nushoor wahedi
    • Publication: Sarvat Wahidi D/o Nushoor wahedi (2009)
    • Edition: 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY