dil ka sarmaya liye tu bhi koi bazar dekh

Mahir Abdul Hayee

dil ka sarmaya liye tu bhi koi bazar dekh

Mahir Abdul Hayee

MORE BYMahir Abdul Hayee

    dil sarmāya liye bhī koī bāzār dekh

    tere dushman chamak uTThā hai kārobār dekh

    jis pe chalne sila hai manzil-e-amn-o-sukūñ

    khīñch hai vaqt ne us raah meñ dīvār dekh

    rūh-e-tāza kaun phūñkegā tan-e-be-rūh meñ

    lashkar-e-darmāndagāñ hai be-sipah-sālār dekh

    hijratoñ ke silsile baaqī haiñ duniyā meñ abhī

    lekin ab DhūñDe se bhī milte nahīñ ansār dekh

    jaan de kar jaan ne bhalā ye kyā kiyā

    terī qurbānī huī mere gale haar dekh

    jis ḳhushbū se mo.attar hai mashām-e-zindagī

    be-vaqār-e-vazn phirtā hai vo nāfa-dār dekh

    ai sarāpā-sham.a bazm-e-māh-o-anjum se nikal

    kin añdheroñ ko hai terī raushnī darkār dekh

    dāman-e-dil bhar ke le jaate haiñ arbāb-e-nazar

    be-navā darvesh darbār hai darbār dekh

    kis ke roke se rukī hai gardish-e-lail-o-nahār

    zulmat-e-shab ke pujārī sub.h ke āsār dekh

    kab talak gā.egā 'māhir' azmat-e-māzī ke giit

    asr-e-nau roz-afzūñ garmī-e-bāzār dekh

    dil ka sarmaya liye tu bhi koi bazar dekh

    tere dushman ka chamak uTTha hai karobar dekh

    jis pe chalne ka sila hai manzil-e-amn-o-sukun

    khinch di hai waqt ne us rah mein diwar dekh

    ruh-e-taza kaun phunkega tan-e-be-ruh mein

    lashkar-e-darmandagan hai be-sipah-salar dekh

    hijraton ke silsile baqi hain duniya mein abhi

    lekin ab DhunDe se bhi milte nahin ansar dekh

    jaan de kar jaan li tu ne bhala ye kya kiya

    teri qurbani hui mere gale ka haar dekh

    jis ki KHushbu se moattar hai masham-e-zindagi

    be-waqar-e-wazn phirta hai wo nafa-dar dekh

    ai sarapa-shama bazm-e-mah-o-anjum se nikal

    kin andheron ko hai teri raushni darkar dekh

    daman-e-dil bhar ke le jate hain arbab-e-nazar

    be-nawa darwesh ka darbar hai darbar dekh

    kis ke roke se ruki hai gardish-e-lail-o-nahaar

    zulmat-e-shab ke pujari subh ke aasar dekh

    kab talak gaega 'mahir' azmat-e-mazi ke git

    asr-e-nau ki roz-afzun garmi-e-bazar dekh

    Source:

    • Book : Hari Sonahri Khak (Ghazal) (Pg. 129)
    • Author : Mahir Abdul Hayee
    • Publication : Bazme-e-Urdu,Mau (2008)
    • Edition : 2008
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY