dil kahan lagta hai ab mera bhi mere ganw mein

dil kahāñ lagtā hai ab merā bhī mere gaañv meñ

khīñch laayā 'ishq terā mujh ko tere paañv meñ

chhīn kar tum ko na le jaa.e yahāñ se koī bhī

is liye rahne lagā huuñ aa ke maiñ sahrāoñ meñ

shahr kī bas raushnī ne mujh ko andhā kar diyā

varna kyā kyā kuchh nahīñ thā mere puure gaañv meñ

koshisheñ sab ne bahut kī qaid karne kī mujhe

par phañsā maiñ bhī nahīñ un ke kisī bhī daañv meñ

ik lakaḌ-hārā ye bolā peḌ saare kaaT kar

kaash maiñ bhī baiTh paatā ab kisī kī chhāoñ meñ

dekhe jab 'zīshān' ke aage qadam baḌhte hue

Daal dī zanjīr mil kar sab ne us ke paañv meñ

dil kahan lagta hai ab mera bhi mere ganw mein

khinch laya 'ishq tera mujh ko tere panw mein

chhin kar tum ko na le jae yahan se koi bhi

is liye rahne laga hun aa ke main sahraon mein

shahr ki bas raushni ne mujh ko andha kar diya

warna kya kya kuchh nahin tha mere pure ganw mein

koshishen sab ne bahut ki qaid karne ki mujhe

par phansa main bhi nahin un ke kisi bhi danw mein

ek lakaD-haara ye bola peD sare kaT kar

kash main bhi baiTh pata ab kisi ki chhaon mein

dekhe jab 'zishan' ke aage qadam baDhte hue

Dal di zanjir mil kar sab ne us ke panw mein