dil ke sahra mein koi aas ka jugnu bhi nahin

Noor Bijnauri

dil ke sahra mein koi aas ka jugnu bhi nahin

Noor Bijnauri

MORE BYNoor Bijnauri

    dil ke sahrā meñ koī aas jugnū bhī nahīñ

    itnā royā huuñ ki ab aañkh meñ aañsū bhī nahīñ

    itnī be-rahm na thī ziist dopahr kabhī

    in ḳharāboñ meñ kahīñ sāya-e-gesū bhī nahīñ

    kāsa-e-dard liye phirtī hai gulshan havā

    mere dāman meñ tire pyaar ḳhushbū bhī nahīñ

    chhin gayā merī nigāhoñ se bhī ehsās-e-jamāl

    terī tasvīr meñ pahlā vo jaadū bhī nahīñ

    mauj-dar-mauj tire ġham shafaq khiltī hai

    mujh ko is silsila-e-rañg pe qaabū bhī nahīñ

    dil vo kam-baḳht ki dhaḌke chalā jaatā hai

    ye alag baat ki zīnat-e-pahlū bhī nahīñ

    ye ajab rāhguzar hai ki chaTāneñ to bahut

    aur sahāre ko tirī yaad ke baazū bhī nahīñ

    hādisa ye bhī guzartā thā mirī jaañ ham par

    paikar-e-sañg haiñ do, maiñ bhī nahīñ bhī nahīñ

    dil ke sahra mein koi aas ka jugnu bhi nahin

    itna roya hun ki ab aankh mein aansu bhi nahin

    itni be-rahm na thi zist ki dopahr kabhi

    in KHarabon mein kahin saya-e-gesu bhi nahin

    kasa-e-dard liye phirti hai gulshan ki hawa

    mere daman mein tere pyar ki KHushbu bhi nahin

    chhin gaya meri nigahon se bhi ehsas-e-jamal

    teri taswir mein pahla sa wo jadu bhi nahin

    mauj-dar-mauj tere gham ki shafaq khilti hai

    mujh ko is silsila-e-rang pe qabu bhi nahin

    dil wo kam-baKHt ki dhaDke hi chala jata hai

    ye alag baat ki tu zinat-e-pahlu bhi nahin

    ye ajab rahguzar hai ki chaTanen to bahut

    aur sahaare ko teri yaad ke bazu bhi nahin

    hadisa ye bhi guzarta tha meri jaan hum par

    paikar-e-sang hain do, main bhi nahin tu bhi nahin

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY