dil KHugar-e-gham aur lab-e-fariyaad hai KHamosh

dil ḳhūgar-e-ġham aur lab-e-fariyād hai ḳhāmosh

ai vaa.e sitam ab sitam-ījād hai ḳhāmosh

kis muñh se ho mahrūmī-e-qismat kī shikāyat

ik aah thī vo bhī dam-e-fariyād hai ḳhāmosh

pāmāl-e-mohabbat huuñ na samjhegā zamāna

yuuñ sūrat-e-shabnam mirī uftād hai ḳhāmosh

kyā nāla-e-ġham meñ hai tire murġh-e-giraftār

kyoñ shikva-e-bedād pe sayyād hai ḳhāmosh

rahtī thī nazar jis kī ruḳh-e-lāla-o-gul par

goshe meñ qafas ke vo chaman-zād hai ḳhāmosh

kartā thā 'nazar' soz-e-jigar se jo charāġhāñ

'arsa huā vo banda-e-bedād hai ḳhāmosh

dil KHugar-e-gham aur lab-e-fariyaad hai KHamosh

ai wae sitam ab sitam-ijad hai KHamosh

kis munh se ho mahrumi-e-qismat ki shikayat

ek aah thi wo bhi dam-e-fariyaad hai KHamosh

pamal-e-mohabbat hun na samjhega zamana

yun surat-e-shabnam meri uftad hai KHamosh

kya nala-e-gham mein hai tere murgh-e-giraftar

kyon shikwa-e-bedad pe sayyaad hai KHamosh

rahti thi nazar jis ki ruKH-e-lala-o-gul par

goshe mein qafas ke wo chaman-zad hai KHamosh

karta tha 'nazar' soz-e-jigar se jo charaghan

'arsa hua wo banda-e-bedad hai KHamosh