dil ki baat na mani hoti ishq kiya kyun piri mein

dil kī baat na maanī hotī ishq kiyā kyuuñ piirī meñ

apnī marzī bhī shāmil hai apnī be-tauqīrī meñ

dard uThā to reza dil kā gosha-e-lab par aan jamā

ḳhush haiñ koī naqsh to ubhrā baare be-tasvīrī meñ

qaid meñ gul jo yaad aayā to phuul sā dāman chaak kiyā

aur lahū phir ro.e goyā bhūle nahīñ asīrī meñ

jaane vaale chale ga.e par lamha lamha un kī yaad

dukh-mele meñ uñglī thāme saath chalī dil-gīrī meñ

tauq gale kā paañv kī beḌī āhan-gar ne kaaT diye

apne aap se bāhar nikle zor kahāñ zanjīrī meñ

shukr hai jitnī umr guzārī nān-o-namak kī fikr na thī

haath kā takiya ḳhaak kā bistar hāsil rahe faqīrī meñ

dil ki baat na mani hoti ishq kiya kyun piri mein

apni marzi bhi shamil hai apni be-tauqiri mein

dard uTha to reza dil ka gosha-e-lab par aan jama

KHush hain koi naqsh to ubhra bare be-taswiri mein

qaid mein gul jo yaad aaya to phul sa daman chaak kiya

aur lahu phir roe goya bhule nahin asiri mein

jaane wale chale gae par lamha lamha un ki yaad

dukh-mele mein ungli thame sath chali dil-giri mein

tauq gale ka panw ki beDi aahan-gar ne kaT diye

apne aap se bahar nikle zor kahan zanjiri mein

shukr hai jitni umr guzari nan-o-namak ki fikr na thi

hath ka takiya KHak ka bistar hasil rahe faqiri mein