dil ki har baat dhyan mein guzri

dil kī har baat dhyān meñ guzrī

saarī hastī gumān meñ guzrī

azal-e-dāstāñ se is dam tak

jo bhī guzrī ik aan meñ guzrī

jism muddat tirī uqūbat kī

ek ik lamha jaan meñ guzrī

zindagī kā thā apnā aish magar

sab kī sab imtihān meñ guzrī

haa.e vo nāvak-e-guzārish-e-rañg

jis kī jumbish kamān meñ guzrī

vo gadā.ī galī ajab thī ki vaañ

apnī ik ān-bān meñ guzrī

yuuñ to ham dam-ba-dam zamīñ pe rahe

umr sab āsmān meñ guzrī

jo thī dil-tā.eroñ kī mohlat-e-būd

tā zamīñ vo uḌaan meñ guzrī

buud to ik takān hai so ḳhudā

terī bhī kyā takān meñ guzrī

dil ki har baat dhyan mein guzri

sari hasti guman mein guzri

azal-e-dastan se is dam tak

jo bhi guzri ek aan mein guzri

jism muddat teri uqubat ki

ek ek lamha jaan mein guzri

zindagi ka tha apna aish magar

sab ki sab imtihan mein guzri

hae wo nawak-e-guzarish-e-rang

jis ki jumbish kaman mein guzri

wo gadai gali ajab thi ki wan

apni ek aan-ban mein guzri

yun to hum dam-ba-dam zamin pe rahe

umr sab aasman mein guzri

jo thi dil-taeron ki mohlat-e-bud

ta zamin wo uDan mein guzri

bud to ek takan hai so KHuda

teri bhi kya takan mein guzri