dil ki taswir sajaane nikle

dil kī tasvīr sajāne nikle

apnī taqdīr banāne nikle

rāsta kuchh to kaThin honā thā

ham jo tā'bīr ko paane nikle

ham ne sīkhā hai mohabbat karnā

ḳhvāb ke tiir suhāne nikle

jab munavvar huā ḳhushbū se dil

hādse meñ bhī ḳhazāne nikle

itnā āsān nahīñ jiinā bhī

un se pūchho jo kamāne nikle

dil ke dariyā ne utarnā chāhā

aañkh se log purāne nikle

ham nikal aa.e haiñ ik 'ahd liye

kaun manzil ko gañvāne nikle

aaj so.e hue logoñ meñ ham

dil ke jugnū ko jagāne nikle

tum ne karnā hai jo vo kar Daalo

ham to ḳhud sham' jalāne nikle

dil ki taswir sajaane nikle

apni taqdir banane nikle

rasta kuchh to kaThin hona tha

hum jo ta'bir ko pane nikle

hum ne sikha hai mohabbat karna

KHwab ke tir suhane nikle

jab munawwar hua KHushbu se dil

hadse mein bhi KHazane nikle

itna aasan nahin jina bhi

un se puchho jo kamane nikle

dil ke dariya ne utarna chaha

aankh se log purane nikle

hum nikal aae hain ek 'ahd liye

kaun manzil ko ganwane nikle

aaj soe hue logon mein hum

dil ke jugnu ko jagane nikle

tum ne karna hai jo wo kar Dalo

hum to KHud sham' jalane nikle