dil ko har surmai rut mein yahi samjhate hain

Azra Naqvi

dil ko har surmai rut mein yahi samjhate hain

Azra Naqvi

MORE BYAzra Naqvi

    dil ko har surma.ī rut meñ yahī samjhāte haiñ

    aise mausam ka.ī aate haiñ guzar jaate haiñ

    had se baḌh jaatī hai jab talḳhī-e-imroz to phir

    ham kisī aur zamāne meñ nikal jaate haiñ

    rāt-bhar niiñd meñ chalte haiñ bhaTakte haiñ ḳhayāl

    sub.h hotī hai to thak haar ke ghar aate haiñ

    kaise ghabrā.e se phirte haiñ mire ḳhaal ġhazāl

    zindagānī kaḌī dhuup meñ sañvlāte haiñ

    phuul se log jo ḳhushbū ke safar par nikle

    dekhte dekhte kis tarah se murjhāte haiñ

    chhoḌiye jo bhī huā Thiik huā biit gayā

    aa.iye raakh se kuchh ḳhvāb uThā laate haiñ

    dil ko har surmai rut mein yahi samjhate hain

    aise mausam kai aate hain guzar jate hain

    had se baDh jati hai jab talKHi-e-imroz to phir

    hum kisi aur zamane mein nikal jate hain

    raat-bhar nind mein chalte hain bhaTakte hain KHayal

    subh hoti hai to thak haar ke ghar aate hain

    kaise ghabrae se phirte hain mere KHal ghazal

    zindagani ki kaDi dhup mein sanwlate hain

    phul se log jo KHushbu ke safar par nikle

    dekhte dekhte kis tarah se murjhate hain

    chhoDiye jo bhi hua Thik hua bit gaya

    aaiye rakh se kuchh KHwab uTha late hain

    Source:

    • Book : Dil ke Mausam (Poetry) (Pg. 135)
    • Author : Azra Naqvi
    • Publication : Takhleeqar Publishers, Laxmi Nagar, Delhi-92 (2012)
    • Edition : 2012
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY