dil ko shaista-e-ehsas-e-tamanna na karen

Aleem Akhtar

dil ko shaista-e-ehsas-e-tamanna na karen

Aleem Akhtar

MORE BYAleem Akhtar

    dil ko shā.ista-e-ehsās-e-tamannā na kareñ

    aap is andāz-e-nazar se mujhe dekhā na kareñ

    yak-ba-yak lutf o ināyat irādā na kareñ

    aap yuuñ apnī jafāoñ ko tamāshā na kareñ

    un ko ye fikr hai ab tark-e-ta.alluq kar ke

    ki ham ab pursish-e-ahvāl kareñ na kareñ

    haañ mire haal pe hañste haiñ zamāne vaale

    aap to vāqif-e-hālāt haiñ aisā na kareñ

    un duz-dīda-nigāhī taqāzā hai ki ab

    ham kisī aur ko kyā ḳhud ko bhī dekhā na kareñ

    vo ta.alluq hai tire ġham se ki allāh allāh

    ham ko hāsil ho ḳhushī bhī to gavārā na kareñ

    is meñ poshīda hai pindār-e-mohabbat shikast

    aap mujh se bhī mire haal ko pūchhā na kareñ

    na rahā terī mohabbat se ta.alluq na sahī

    nisbat-e-ġham se bhī kyā ḳhud ko pukārā na kareñ

    maiñ ki ḳhud apnī vafāoñ pe ḳhajil huuñ 'aḳhtar'

    vo to lekin sitam o jaur se taubā na kareñ

    dil ko shaista-e-ehsas-e-tamanna na karen

    aap is andaz-e-nazar se mujhe dekha na karen

    yak-ba-yak lutf o inayat ka irada na karen

    aap yun apni jafaon ko tamasha na karen

    un ko ye fikr hai ab tark-e-talluq kar ke

    ki hum ab pursish-e-ahwal karen ya na karen

    han mere haal pe hanste hain zamane wale

    aap to waqif-e-haalat hain aisa na karen

    un ki duz-dida-nigahi ka taqaza hai ki ab

    hum kisi aur ko kya KHud ko bhi dekha na karen

    wo talluq hai tere gham se ki allah allah

    hum ko hasil ho KHushi bhi to gawara na karen

    is mein poshida hai pindar-e-mohabbat ki shikast

    aap mujh se bhi mere haal ko puchha na karen

    na raha teri mohabbat se talluq na sahi

    nisbat-e-gham se bhi kya KHud ko pukara na karen

    main ki KHud apni wafaon pe KHajil hun 'aKHtar'

    wo to lekin sitam o jaur se tauba na karen

    RECITATIONS

    Nomaan Shauque

    Nomaan Shauque

    Nomaan Shauque

    dil ko shaista-e-ehsas-e-tamanna na karen Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY