dil ko ummid-e-bala-e-na-gahan hai aaj-kal

dil ko ummīd-e-balā-e-nā-gahāñ hai āj-kal

sun rahā huuñ mahv-e-gardish āsmāñ hai aaj kal

kyoñ tujhe ai dil talāsh-e-kārvāñ hai āj-kal

chal tan-e-tanhā ki vaqt-e-imtihāñ hai āj-kal

bāġhbāñ bhī ḳhuub kahtā hai chaman ko lauT kar

naam us kā hī bahār-e-jāvedāñ hai āj-kal

ḳhaar aur rusvā phirā karte the ham kuchh din hue

aah kyūñkar nek-nāmī kā gumāñ hai āj-kal

luT chukī hai jis gulistāñ kī matā.a-e-rang-o-bū

mujh pe us kā pāsbāñ kuchh mehrbāñ hai āj-kal

ek dil TuuTā huā le kar hai sargardāñ 'nadīm'

ek jām-e-mai sharīk-e-dostāñ hai āj-kal

dil ko ummid-e-bala-e-na-gahan hai aaj-kal

sun raha hun mahw-e-gardish aasman hai aaj kal

kyon tujhe ai dil talash-e-karwan hai aaj-kal

chal tan-e-tanha ki waqt-e-imtihan hai aaj-kal

baghban bhi KHub kahta hai chaman ko lauT kar

nam us ka hi bahaar-e-jawedan hai aaj-kal

KHar aur ruswa phira karte the hum kuchh din hue

aah kyunkar nek-nami ka guman hai aaj-kal

luT chuki hai jis gulistan ki mataa-e-rang-o-bu

mujh pe us ka pasban kuchh mehrban hai aaj-kal

ek dil TuTa hua le kar hai sargardan 'nadim'

ek jam-e-mai sharik-e-dostan hai aaj-kal