dil mein aainda mere ye be-qarari ho na ho

dil meñ ā.inda mire ye be-qarārī ho na ho

aap kā armān phir yuuñ jaañ pe bhārī ho na ho

jī bhī lene de isī lamha mujhe marne bhī de

zindagī ki phir kabhī aisī ḳhumārī ho na ho

ik daf'a uTh kar mirī jānib jhukī hī rah ga.ī

merī bābat us nazar se hukm jaarī ho na ho

aap kī yādeñ rahīñ siine meñ zinda chāhe phir

aap kā dīdār mujh ko 'umr saarī ho na ho

apnā paiġhām-e-judā.ī ḳhud hī maiñ le kar chalūñ

kyūñki qāsid ko ḳhayāl-e-rāzdārī ho na ho

dil mein aainda mere ye be-qarari ho na ho

aap ka arman phir yun jaan pe bhaari ho na ho

ji bhi lene de isi lamha mujhe marne bhi de

zindagi ki phir kabhi aisi KHumari ho na ho

ek daf'a uTh kar meri jaanib jhuki hi rah gai

meri babat us nazar se hukm jari ho na ho

aap ki yaaden rahin sine mein zinda chahe phir

aap ka didar mujh ko 'umr sari ho na ho

apna paigham-e-judai KHud hi main le kar chalun

kyunki qasid ko KHayal-e-raazdari ho na ho