دل میں اک اضطراب ہے پیہم
دل میں اک اضطراب ہے پیہم
چشم حیراں پر آب ہے پیہم
ان کے رخ پر نقاب ہے پیہم
شوق نا کامیاب ہے پیہم
دل ہے پہلو میں شعلۂ بیتاب
جان پر اک عذاب ہے پیہم
تو ہی آ کر جگا دے اب اس کو
بخت مصروف خواب ہے پیہم
دہر میں اس کی مست آنکھوں سے
اک نہ اک انقلاب ہے پیہم
وہ ادھر چپ خموش میں ہوں ادھر
یوں سوال و جواب ہے پیہم
چشم میگوں کا ہے ولیؔ شیدا
یعنی بے مے خراب ہے پیہم
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
