dil mein jazbaat ki nadi hai abhi
dil meñ jazbāt kī nadī hai abhī
ashk ban kar jo bah rahī hai abhī
mere gītoñ meñ Dhal ga.ī hai abhī
vo kahānī jo an-kahī hai abhī
paañv paḌte nahīñ zamīñ par yuuñ
pal rahī dil meñ 'āshiqī hai abhī
duniyā-dāroñ ko niiñd aa.ī hai
jāgtī pyaar kī galī hai abhī
kyoñ Darāte ho tīrgī se mujhe
merī āñkhoñ meñ raushnī hai abhī
jab haqīqat hai sāmne hī khaḌī
phir kyoñ dhoke meñ zindagī hai abhī
ai 'kiran' bādaloñ se niklo ab
raushnī kī yahāñ kamī hai abhī
dil mein jazbaat ki nadi hai abhi
ashk ban kar jo bah rahi hai abhi
mere giton mein Dhal gai hai abhi
wo kahani jo an-kahi hai abhi
panw paDte nahin zamin par yun
pal rahi dil mein 'ashiqi hai abhi
duniya-daron ko nind aai hai
jagti pyar ki gali hai abhi
kyon Daraate ho tirgi se mujhe
meri aankhon mein raushni hai abhi
jab haqiqat hai samne hi khaDi
phir kyon dhoke mein zindagi hai abhi
ai 'kiran' baadalon se niklo ab
raushni ki yahan kami hai abhi
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
