dil mein kuchh aae jo KHayal nae

dil meñ kuchh aa.e jo ḳhayāl na.e

ham se hote ga.e kamāl na.e

'izzat-e-nafs jaañ se pyārī hai

laakh duniyā bichhā.e jaal na.e

jab bhī ḳhushiyāñ qarīb aatī haiñ

gher lete haiñ kuchh malāl na.e

jabki be-dāġh hai mirā dāman

phir bhī uThne lage savāl na.e

kitnī mushkil se dil sañbhālā hai

vasvase ab na aur Daal na.e

dhaḌkaneñ ab kahāñ mire bas meñ

vo milā hai banā ke haal na.e

kyā kahūñ apnā hāl-e-dil tum se

ġham purāne haiñ aur saal na.e

dil mein kuchh aae jo KHayal nae

hum se hote gae kamal nae

'izzat-e-nafs jaan se pyari hai

lakh duniya bichhae jal nae

jab bhi KHushiyan qarib aati hain

gher lete hain kuchh malal nae

jabki be-dagh hai mera daman

phir bhi uThne lage sawal nae

kitni mushkil se dil sanbhaala hai

waswase ab na aur Dal nae

dhaDkanen ab kahan mere bas mein

wo mila hai bana ke haal nae

kya kahun apna haal-e-dil tum se

gham purane hain aur sal nae