دل میں کچھ آئے جو خیال نئے
دل میں کچھ آئے جو خیال نئے
ہم سے ہوتے گئے کمال نئے
عزت نفس جاں سے پیاری ہے
لاکھ دنیا بچھائے جال نئے
جب بھی خوشیاں قریب آتی ہیں
گھیر لیتے ہیں کچھ ملال نئے
جبکہ بے داغ ہے مرا دامن
پھر بھی اٹھنے لگے سوال نئے
کتنی مشکل سے دل سنبھالا ہے
وسوسے اب نہ اور ڈال نئے
دھڑکنیں اب کہاں مرے بس میں
وہ ملا ہے بنا کے حال نئے
کیا کہوں اپنا حال دل تم سے
غم پرانے ہیں اور سال نئے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
