dil mein poshida tap-e-ishq-e-butan rakhte hain
![Imam Bakhsh Nasikh Imam Bakhsh Nasikh](https://rekhta.pc.cdn.bitgravity.com/Images/Shayar/round/imam-bakhsh-nasikh.png)
dil mein poshida tap-e-ishq-e-butan rakhte hain
Imam Bakhsh Nasikh
MORE BYImam Bakhsh Nasikh
dil meñ poshīda tap-e-ishq-e-butāñ rakhte haiñ
aag ham sañg kī mānind nihāñ rakhte haiñ
tāzgī hai suḳhan-e-kuhna meñ ye bād-e-vafāt
log aksar mire jiine kā gumāñ rakhte haiñ
bhā ga.ī kaun sī vo baat butoñ kī varna
na kamar rakhte haiñ kāfir na dahāñ rakhte haiñ
misl-e-parvāna nahīñ kuchh zar-o-māl apne paas
ham faqat tum pe fidā karne ko jaañ rakhte haiñ
mahfil-e-yār meñ kuchh baat na niklī muñh se
kahne ko sham.a kī mānind zabāñ rakhte haiñ
ho gayā zard paḌī jis kī hasīnoñ pe nazar
ye ajab gul haiñ ki tāsīr-e-ḳhizāñ rakhte haiñ
evaz-e-mulk-e-jahāñ mulk-e-suḳhan hai 'nāsiḳh'
go nahīñ hukm-e-ravāñ tab.a-e-ravāñ rakhte haiñ
dil mein poshida tap-e-ishq-e-butan rakhte hain
aag hum sang ki manind nihan rakhte hain
tazgi hai suKHan-e-kuhna mein ye baad-e-wafat
log aksar mere jine ka guman rakhte hain
bha gai kaun si wo baat buton ki warna
na kamar rakhte hain kafir na dahan rakhte hain
misl-e-parwana nahin kuchh zar-o-mal apne pas
hum faqat tum pe fida karne ko jaan rakhte hain
mahfil-e-yar mein kuchh baat na nikli munh se
kahne ko shama ki manind zaban rakhte hain
ho gaya zard paDi jis ki hasinon pe nazar
ye ajab gul hain ki tasir-e-KHizan rakhte hain
ewaz-e-mulk-e-jahan mulk-e-suKHan hai 'nasiKH'
go nahin hukm-e-rawan taba-e-rawan rakhte hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.