dil mein rakkha phir yaka-yak be-dayar usne kiya

dil meñ rakkhā phir yakā-yak be-dayār us ne kiyā

aisā mere saath jaane kitnī baar us ne kiyā

dekh kar bhī maiñ ne an-dekhā kiyā kitnī daf'a

aur udhar kānoñ sunī par e'tibār us ne kiyā

chāhtā to maar saktā thā mujhe āsānī se

jaane kyoñ dil par mire qistoñ meñ vaar us ne kiyā

ḳhushk honā āñkhoñ kā achchhā nahīñ lagtā use

is liye āñkhoñ ko merī ābshār us ne kiyā

ham to dīvāne the dīvāne bane rahte 'karan'

be-vafā.ī kar ke ham ko hoshiyār us ne kiyā

dil mein rakkha phir yaka-yak be-dayar us ne kiya

aisa mere sath jaane kitni bar us ne kiya

dekh kar bhi main ne an-dekha kiya kitni daf'a

aur udhar kanon suni par e'tibar us ne kiya

chahta to mar sakta tha mujhe aasani se

jaane kyon dil par mere qiston mein war us ne kiya

KHushk hona aankhon ka achchha nahin lagta use

is liye aankhon ko meri aabshaar us ne kiya

hum to diwane the diwane bane rahte 'karan'

be-wafai kar ke hum ko hoshiyar us ne kiya