aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dil mein sharminda hain ehsas-e-KHata rakhte hain

Shan-e-Haider Bebak Amrohvi

dil mein sharminda hain ehsas-e-KHata rakhte hain

Shan-e-Haider Bebak Amrohvi

MORE BYShan-e-Haider Bebak Amrohvi

    dil meñ sharminda haiñ ehsās-e-ḳhatā rakhte haiñ

    ham gunahgār haiñ par ḳhauf-e-ḳhudā rakhte haiñ

    vo sitam-pesha kahāñ sharm-o-hayā rakhte haiñ

    ham ġharīboñ pe har ik zulm ravā rakhte haiñ

    jeb meñ kuchh bhī nahīñ dil hai amīroñ jaisā

    haath ḳhālī haiñ magar ḳhū-e-atā rakhte haiñ

    bevafā.ī ye ilzām sarāsar hai ġhalat

    ham to ajdād se virse meñ vafā rakhte haiñ

    ham ne maanā ki tahī-dast haiñ par sab ke liye

    dil meñ ganjīna-e-iḳhlās-o-vafā rakhte haiñ

    jaane kis moḌ pe kyā hādisa pesh aa jaa.e

    mustaqil jeb meñ ham apnā pata rakhte haiñ

    shaam Dhaltī hai to nākāmiyāñ kartī haiñ niDhāl

    sub.h hotī hai to ham azm nayā rakhte haiñ

    jī-huzūrī kisī sūrat nahīñ hotī ham se

    bas isī vāste ham sab ko ḳhafā rakhte haiñ

    kyoñ kareñ fikr zamāne ke chalan 'bebāk'

    ham to har haal meñ jiine adā rakhte haiñ

    dil mein sharminda hain ehsas-e-KHata rakhte hain

    hum gunahgar hain par KHauf-e-KHuda rakhte hain

    wo sitam-pesha kahan sharm-o-haya rakhte hain

    hum gharibon pe har ek zulm rawa rakhte hain

    jeb mein kuchh bhi nahin dil hai amiron jaisa

    hath KHali hain magar KHu-e-ata rakhte hain

    bewafai ka ye ilzam sarasar hai ghalat

    hum to ajdad se wirse mein wafa rakhte hain

    hum ne mana ki tahi-dast hain par sab ke liye

    dil mein ganjina-e-iKHlas-o-wafa rakhte hain

    jaane kis moD pe kya hadisa pesh aa jae

    mustaqil jeb mein hum apna pata rakhte hain

    sham Dhalti hai to nakaamiyan karti hain niDhaal

    subh hoti hai to hum azm naya rakhte hain

    ji-huzuri kisi surat nahin hoti hum se

    bas isi waste hum sab ko KHafa rakhte hain

    kyon karen fikr zamane ke chalan ki 'bebak'

    hum to har haal mein jine ki ada rakhte hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now