dil mera un pe jo aaya to qaza bhi aai

dil mirā un pe jo aaya to qazā bhī aa.ī

dard ke saath hī saath us kī davā bhī aa.ī

aa.e khole hue bāloñ ko to shoḳhī se kahā

maiñ bhī aaya tire ghar merī balā bhī aa.ī

vā.e-qismat ki mire kufr kī vaq'at na huī

but ko dekhā to mujhe yād-e-ḳhudā bhī aa.ī

huiiñ āġhāz-e-javānī meñ nigāheñ nīchī

nashsha āñkhoñ meñ jo aaya to hayā bhī aa.ī

Das liyā af'ī-e-shām-e-shab-e-furqat ne mujhe

phir na jāgūñgā agar niiñd zarā bhī aa.ī

dil mera un pe jo aaya to qaza bhi aai

dard ke sath hi sath us ki dawa bhi aai

aae khole hue baalon ko to shoKHi se kaha

main bhi aaya tere ghar meri bala bhi aai

wae-qismat ki mere kufr ki waq'at na hui

but ko dekha to mujhe yaad-e-KHuda bhi aai

huin aaghaz-e-jawani mein nigahen nichi

nashsha aankhon mein jo aaya to haya bhi aai

Das liya af'i-e-sham-e-shab-e-furqat ne mujhe

phir na jagunga agar nind zara bhi aai