dil nahin hai aur tera gham KHub hai apni jagah

dil nahīñ hai aur tirā ġham ḳhuub hai apnī jagah

ḳhārij-ul-karbal bhī mātam ḳhuub hai apnī jagah

ye pasīne kā bhī haq thā jism par chamke tire

pankhuḌī par aaj shabnam ḳhuub hai apnī jagah

saañs aa.e yā na aa.e haiñ sabhī naġhma-sarā

bulbuloñ kī naak meñ dam ḳhuub hai apnī jagah

'aks kī sūrat har ik din husn badle hai mizāj

aur ā.īne sā 'ālam ḳhuub hai apnī jagah

kyā kabhī jal kar bujhī hai apne dam se koī sham'

zaḳhm-e-'īsā-ibn-e-mariyam ḳhuub hai apnī jagah

zindagī hai chaak par chaḌhnā utarnā maut hai

aadmī kī ḳhaak mub.ham ḳhuub hai apnī jagah

ḳhuub hai shahr-e-suḳhan meñ sair ko jaatā 'mirāsh'

aur ‘abdullāh-akram' ḳhuub hai apnī jagah

dil nahin hai aur tera gham KHub hai apni jagah

KHarij-ul-karbal bhi matam KHub hai apni jagah

ye pasine ka bhi haq tha jism par chamke tere

pankhuDi par aaj shabnam KHub hai apni jagah

sans aae ya na aae hain sabhi naghma-sara

bulbulon ki nak mein dam KHub hai apni jagah

'aks ki surat har ek din husn badle hai mizaj

aur aaine sa 'alam KHub hai apni jagah

kya kabhi jal kar bujhi hai apne dam se koi sham'

zaKHm-e-'isa-ibn-e-mariyam KHub hai apni jagah

zindagi hai chaak par chaDhna utarna maut hai

aadmi ki KHak mubham KHub hai apni jagah

KHub hai shahr-e-suKHan mein sair ko jata 'mirash'

aur ‘abdullah-akram' KHub hai apni jagah