دل نے کیا کیا ترے جانے پہ دہائی نہیں دی

دل نے کیا کیا ترے جانے پہ دہائی نہیں دی

شور اتنا تھا کہ آواز سنائی نہیں دی

تجھ سے بچھڑے تھے کہ پھر سینکڑوں دل توڑ دئیے

بد حواسی میں کوئی راہ سجھائی نہیں دی

تو نے اس شخص سے ملنا تھا تو مجھ سے کہتا

پھول دیکھا ہے فقط خوشبو دکھائی نہیں دی

لمحہ لمحہ وہ دعا بن کے مرے ساتھ رہا

جانے والے نے کبھی مجھ کو جدائی نہیں دی

آخری وار محبت پہ کیا تھا اس نے

آخری بار اسے میں نے صفائی نہیں دی

وہ کسی اور کا ہو کے بھی مجھے ملتا رہا

اس نے دروازہ کھلا چھوڑا رہائی نہیں دی