dil se arman nikal rahe hain

dil se armāñ nikal rahe haiñ

mere bhī din badal rahe haiñ

varna ghar meñ hai ghup añdherā

yādoñ ke charāġh jal rahe haiñ

ye ajab log haiñ ki un ke

paañv nahīñ pe chal rahe haiñ

ham dar-e-shāh par savālī

aaj haiñ aur na kal rahe haiñ

vo hī pahuñcheñge yaar tak jo

girte girte sambhal rahe haiñ

ham niko naam to hue par

dil pe aare se chal rahe haiñ

un ko āzād kar jo ab tak

zer-e-habs-e-ilal rahe haiñ

un ko mahbūs kar jo kab se

qā.ede sab kuchal rahe haiñ

kah na karb-o-balā kā qissa

lafzoñ ke dil dahal rahe haiñ

dil se arman nikal rahe hain

mere bhi din badal rahe hain

warna ghar mein hai ghup andhera

yaadon ke charagh jal rahe hain

ye ajab log hain ki un ke

panw nahin pe chal rahe hain

hum dar-e-shah par sawali

aaj hain aur na kal rahe hain

wo hi pahunchenge yar tak jo

girte girte sambhal rahe hain

hum niko nam to hue par

dil pe aare se chal rahe hain

un ko aazad kar jo ab tak

zer-e-habs-e-ilal rahe hain

un ko mahbus kar jo kab se

qaede sab kuchal rahe hain

kah na karb-o-bala ka qissa

lafzon ke dil dahal rahe hain