dil waswason se ghir gaya par jaan to gaya

dil vasvasoñ se ghir gayā par jaan to gayā

tark-e-ta'alluqāt kā imkān to gayā

ehsān aap kā ki mirī āñkheñ khul ga.ī

mar kar sahī maiñ aap ko pahchān to gayā

duniyā bahut 'ajīb hai is se 'ajīb ye

lāsha chhupā ke kahtī hai mehmān to gayā

kyā fā.eda gar aap kī dastār bach ga.ī

gardan batā rahī hai garebān to gayā

jo bhī hai jaisā bhī tirā mauqa' hai āḳhirī

mushkil banegā khel ab āsān to gayā

vaise to kitne she'r kahūñ huuñ ravānī meñ

par she'r tujh pe kahne kā armān to gayā

varna to zindagī tirī tanhā guzarnī thī

'sayyad' ḳhudā kā shukr koī maan to gayā

dil waswason se ghir gaya par jaan to gaya

tark-e-ta'alluqat ka imkan to gaya

ehsan aap ka ki meri aankhen khul gai

mar kar sahi main aap ko pahchan to gaya

duniya bahut 'ajib hai is se 'ajib ye

lasha chhupa ke kahti hai mehman to gaya

kya faeda gar aap ki dastar bach gai

gardan bata rahi hai gareban to gaya

jo bhi hai jaisa bhi tera mauqa' hai aaKHiri

mushkil banega khel ab aasan to gaya

waise to kitne she'r kahun hun rawani mein

par she'r tujh pe kahne ka arman to gaya

warna to zindagi teri tanha guzarni thi

'sayyad' KHuda ka shukr koi man to gaya