dil zulf-e-butan mein hai giraftar hamara

dil zulf-e-butāñ meñ hai giraftār hamārā

is daam se hai chhūTnā dushvār hamārā

bāzār-e-jahāñ meñ haiñ ajab jins-e-zabūñ ham

koī nahīñ ai vaa.e ḳharīdār hamārā

thī dāvar-e-mahshar se tavaqqo so tujhe dekh

vo bhī na huā haa.e taraf-dār hamārā

kyūñkar na dam-e-sard bhareñ ham ki har ik se

miltā hai bahut garm kuchh ab yaar hamārā

tujh bin use ye samjheñ ki hai shola-e-dozaḳh

gar ho gul-e-jannat gul-e-dastār hamārā

'rāsiḳh' ye pas-e-marg bhī hamrāh rahegā

hai yaar kā ġham yār-e-vafādār hamārā

dil zulf-e-butan mein hai giraftar hamara

is dam se hai chhuTna dushwar hamara

bazar-e-jahan mein hain ajab jins-e-zabun hum

koi nahin ai wae KHaridar hamara

thi dawar-e-mahshar se tawaqqo so tujhe dekh

wo bhi na hua hae taraf-dar hamara

kyunkar na dam-e-sard bharen hum ki har ek se

milta hai bahut garm kuchh ab yar hamara

tujh bin use ye samjhen ki hai shola-e-dozaKH

gar ho gul-e-jannat gul-e-dastar hamara

'rasiKH' ye pas-e-marg bhi hamrah rahega

hai yar ka gham yar-e-wafadar hamara