din bhar ke baad chaliye to kuchh der ghar ko bhi

din bhar ke baa'd chaliye to kuchh der ghar ko bhī

ārām karne dījiye gard-e-safar ko bhī

kār-e-rafū ne mujh ko kahīñ kā nahīñ rakhā

afsos sī chukā huuñ maiñ zaḳhm-e-hunar ko bhī

go sar-ba-sar nidā hī nidā hai magar ye dil

muḳhbir ko bhī sañbhāle hue hai ḳhabar ko bhī

halqa baḌhā rahā huuñ kuchh apne hī ḳhvāb kā

ābād kar rahā huuñ maiñ terī nazar ko bhī

kuchh yuuñ bhī rang laayā maiñ rangoñ kī oT meñ

mujh se hijāb aayā mire naqsh-gar ko bhī

ye dekh merā dar mirī dīvār mere taaq

maiñ ghar hī jāntā huuñ tirī rahguzar ko bhī

go ibtidā-e-vaqt se pahle kā fard huuñ

daryāft kar chukā huuñ maiñ shām-o-sahar ko bhī

din bhar ke ba'd chaliye to kuchh der ghar ko bhi

aaram karne dijiye gard-e-safar ko bhi

kar-e-rafu ne mujh ko kahin ka nahin rakha

afsos si chuka hun main zaKHm-e-hunar ko bhi

go sar-ba-sar nida hi nida hai magar ye dil

muKHbir ko bhi sanbhaale hue hai KHabar ko bhi

halqa baDha raha hun kuchh apne hi KHwab ka

aabaad kar raha hun main teri nazar ko bhi

kuchh yun bhi rang laya main rangon ki oT mein

mujh se hijab aaya mere naqsh-gar ko bhi

ye dekh mera dar meri diwar mere taq

main ghar hi jaanta hun teri rahguzar ko bhi

go ibtida-e-waqt se pahle ka fard hun

daryaft kar chuka hun main sham-o-sahar ko bhi