din ki aahen na gain raat ke nale na gae

Jaleel Manikpuri

din ki aahen na gain raat ke nale na gae

Jaleel Manikpuri

MORE BY Jaleel Manikpuri

    din aaheñ na ga.iiñ raat ke naale na ga.e

    mere dil-soz mire chāhne vaale na ga.e

    apne māthe shikan tum se miTā.ī na ga.ī

    apnī taqdīr ke bal ham se nikāle na ga.e

    tazkira soz-e-mohabbat kiyā thā ik baar

    tā-dam-e-marg zabāñ se mirī chhāle na ga.e

    sham.a-rū ho ke faqat tum ne jalānā sīkhā

    mere ġham meñ kabhī do ashk nikāle na ga.e

    aaj tak saath haiñ sarkār-e-junūñ ke tohfe

    sar chakkar na gayā paañv ke chhāle na ga.e

    vo bhalā pech nikāleñge mirī qismat ke

    apne bāloñ ke to bal un se nikāle na ga.e

    koī shab aisī na guzrī ki banā kar gesū

    saikḌoñ bal mirī taqdīr meñ Daale na ga.e

    ham-safar aise vafādār kahāñ milte haiñ

    tere vahshī ke qadam chhoḌ ke chhāle na ga.e

    apnā dīvān muraqqa.a hai hasīnoñ 'jalīl'

    nukta-chīñ thak ga.e kuchh aib nikāle na ga.e

    din ki aahen na gain raat ke nale na gae

    mere dil-soz mere chahne wale na gae

    apne mathe ki shikan tum se miTai na gai

    apni taqdir ke bal hum se nikale na gae

    tazkira soz-e-mohabbat ka kiya tha ek bar

    ta-dam-e-marg zaban se meri chhaale na gae

    shama-ru ho ke faqat tum ne jalana sikha

    mere gham mein kabhi do ashk nikale na gae

    aaj tak sath hain sarkar-e-junun ke tohfe

    sar ka chakkar na gaya panw ke chhaale na gae

    wo bhala pech nikalenge meri qismat ke

    apne baalon ke to bal un se nikale na gae

    koi shab aisi na guzri ki bana kar gesu

    saikDon bal meri taqdir mein Dale na gae

    ham-safar aise wafadar kahan milte hain

    tere wahshi ke qadam chhoD ke chhaale na gae

    apna diwan muraqqa hai hasinon ka 'jalil'

    nukta-chin thak gae kuchh aib nikale na gae

    Source:

    • Book : Kainat-e-Jalil Manakpuri (Pg. 133)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY