do chaar din mein gham ko Thikane lagaunga

do chaar din meñ ġham ko Thikāne lagā.ūñgā

is kaam meñ bhī kyā maiñ zamāne lagā.ūñgā

mere liye ye kār-e-vasiyyat bhī shaġhl hai

ik bhiiḌ sī maiñ apne sirhāne lagā.ūñgā

jab tak mirī nigāh hai ahdāf kī taraf

baiThā maiñ Thiik Thiik nishāne lagā.ūñgā

phir yaad aa rahā hai vo bhūlā huā maqām

chakkar vahāñ kā tere bahāne lagā.ūñgā

'ġhā.er' ye sarzamīn bhī lāshoñ se bhar ga.ī

ḳhema kahāñ pe ab maiñ na jaane lagā.ūñgā

do chaar din mein gham ko Thikane lagaunga

is kaam mein bhi kya main zamane lagaunga

mere liye ye kar-e-wasiyyat bhi shaghl hai

ek bhiD si main apne sirhane lagaunga

jab tak meri nigah hai ahdaf ki taraf

baiTha main Thik Thik nishane lagaunga

phir yaad aa raha hai wo bhula hua maqam

chakkar wahan ka tere bahane lagaunga

'ghaer' ye sarzamin bhi lashon se bhar gai

KHema kahan pe ab main na jaane lagaunga