dost aane mein baDi der laga di tumne

dost aane meñ baḌī der lagā dī tum ne

dil dukhāne meñ baḌī der lagā dī tum ne

mujh ko duniyā se ga.e ek zamāna guzrā

ġham manāne meñ baḌī der lagā dī tum ne

apnā dil ham to hathelī pe liye baiThe the

āzmāne meñ baḌī der lagā dī tum ne

maiñ ne aahoñ se sañjoya thā mohabbat kā chaman

ḳhaar laane meñ baḌī der lagā dī tum ne

jism ne ruuh se kal pūchh liyā thā 'āfī'

qaid-ḳhāne meñ baḌī der lagā dī tum ne

dost aane mein baDi der laga di tum ne

dil dukhane mein baDi der laga di tum ne

mujh ko duniya se gae ek zamana guzra

gham manane mein baDi der laga di tum ne

apna dil hum to hatheli pe liye baiThe the

aazmane mein baDi der laga di tum ne

main ne aahon se sanjoya tha mohabbat ka chaman

KHar lane mein baDi der laga di tum ne

jism ne ruh se kal puchh liya tha 'afi'

qaid-KHane mein baDi der laga di tum ne