dost ban kar wo dilsitan na raha

dost ban kar vo dilsitāñ na rahā

chaar din bhī to mehrbāñ na rahā

dil ke dam se thā hasratoñ kā hujūm

ab vo sālār-e-kārvāñ na rahā

kyā hasīnoñ ne zulm chhoḌ diyā

dil meñ kyuuñ dard kā nishāñ na rahā

ka.abe meñ dair meñ kalīsā meñ

zikr us kā kahāñ kahāñ na rahā

dil meñ mere vo chhup ke baiTh ga.e

jab koī un kā pāsbāñ na rahā

mujh se gar ruuTh kar gayā koī

bevafā.ī kā bhī gumāñ na rahā

aap ke zulm bhī ḳhushī se sahe

'shād' kis roz shādmāñ na rahā

dost ban kar wo dilsitan na raha

chaar din bhi to mehrban na raha

dil ke dam se tha hasraton ka hujum

ab wo salar-e-karwan na raha

kya hasinon ne zulm chhoD diya

dil mein kyun dard ka nishan na raha

kabe mein dair mein kalisa mein

zikr us ka kahan kahan na raha

dil mein mere wo chhup ke baiTh gae

jab koi un ka pasban na raha

mujh se gar ruTh kar gaya koi

bewafai ka bhi guman na raha

aap ke zulm bhi KHushi se sahe

'shad' kis roz shadman na raha