dost KHush hote hain jab dost ka gham dekhte hain

Safi Aurangabadi

dost KHush hote hain jab dost ka gham dekhte hain

Safi Aurangabadi

MORE BYSafi Aurangabadi

    dost ḳhush hote haiñ jab dost ġham dekhte haiñ

    kaisī duniyā hai ilāhī jise ham dekhte haiñ

    dekhte haiñ jise bā-dīda-e-nam dekhte haiñ

    aap ke dekhne vāloñ ko bhī ham dekhte haiñ

    be-mahal ab to sitamgar ke sitam dekhte haiñ

    kaise-kaisoñ ko bure haal meñ ham dekhte haiñ

    hañs ke taḌpā de magar ġhusse se sūrat na bigāḌ

    ye bhī ma.alūm hai zālim tujhe ham dekhte haiñ

    log kyuuñ kahte haiñ us ko na dekh us ko na dekh

    ham ko allāh dikhātā hai to ham dekhte haiñ

    baaġh sair na bāzār tafrīh rahī

    ham to barsoñ meñ kisī din pe qadam dekhte haiñ

    la.al hiire sahī tere lab-e-dandāñ idhar aa

    toḌ lete to nahīñ haiñ unheñ ham dekhte haiñ

    shal hue dast-e-talab bhuul ga.e harf-e-savāl

    aaj ham hausla-e-ahl-e-karam dekhte haiñ

    maiñ tamāshā sahī lekin ye tamāshā kaisā

    muft meñ log tire zulm-o-sitam dekhte haiñ

    aap kam-nigahī husn bhī hai aib bhī hai

    log aisā bhī samajhte haiñ ki kam dekhte haiñ

    ham ko Thukrāte chaleñ aap mahfil meñ adū

    kyā unheñ kam nazar aatā hai kam dekhte haiñ

    chaar logoñ ke dikhāne ko to aḳhlāq se mil

    aur kuchh bhī nahīñ duniyā meñ bharam dekhte haiñ

    merā honā bhī na hone ke barābar hai vahāñ

    dekheñ jo log vajūd aur adam dekhte haiñ

    aañkh meñ sharm paanī magar itnā bhī na ho

    dekh un ko jo tirī aañkh ko nam dekhte haiñ

    ho to jā.egā tire dekhne vāloñ meñ shumār

    avval avval magar apne ko ham dekhte haiñ

    rāsta chalne ik chheḌ thī aaqā na aa

    ham to ye qaul ye va.ada ye qasam dekhte haiñ

    dekhnā jurm huā zulm huā qahr huā

    ye na dekhā tujhe kis aañkh se ham dekhte haiñ

    aañkh un hai dil un hai kaleja un

    rāt-din jo mujhe bā-dīda-e-nam dekhte haiñ

    apnā ronā bhī safī' raas na aayā ham ko

    us ko shikva hai ki āñkheñ tirī nam dekhte haiñ

    dost KHush hote hain jab dost ka gham dekhte hain

    kaisi duniya hai ilahi jise hum dekhte hain

    dekhte hain jise ba-dida-e-nam dekhte hain

    aap ke dekhne walon ko bhi hum dekhte hain

    be-mahal ab to sitamgar ke sitam dekhte hain

    kaise-kaison ko bure haal mein hum dekhte hain

    hans ke taDpa de magar ghusse se surat na bigaD

    ye bhi malum hai zalim tujhe hum dekhte hain

    log kyun kahte hain tu us ko na dekh us ko na dekh

    hum ko allah dikhata hai to hum dekhte hain

    bagh ki sair na bazar ki tafrih rahi

    hum to barson mein kisi din pe qadam dekhte hain

    lal hire sahi tere lab-e-dandan idhar aa

    toD lete to nahin hain unhen hum dekhte hain

    shal hue dast-e-talab bhul gae harf-e-sawal

    aaj hum hausla-e-ahl-e-karam dekhte hain

    main tamasha sahi lekin ye tamasha kaisa

    muft mein log tere zulm-o-sitam dekhte hain

    aap ki kam-nigahi husn bhi hai aib bhi hai

    log aisa bhi samajhte hain ki kam dekhte hain

    hum ko Thukraate chalen aap ki mahfil mein adu

    kya unhen kam nazar aata hai ya kam dekhte hain

    chaar logon ke dikhane ko to aKHlaq se mil

    aur kuchh bhi nahin duniya mein bharam dekhte hain

    mera hona bhi na hone ke barabar hai wahan

    dekhen jo log wajud aur adam dekhte hain

    aankh mein sharm ka pani magar itna bhi na ho

    dekh un ko jo teri aankh ko nam dekhte hain

    ho to jaega tere dekhne walon mein shumar

    awwal awwal hi magar apne ko hum dekhte hain

    rasta chalne ki ek chheD thi tu aaqa na aa

    hum to ye qaul ye wada ye qasam dekhte hain

    dekhna jurm hua zulm hua qahr hua

    ye na dekha tujhe kis aankh se hum dekhte hain

    aankh un ki hai dil un ka hai kaleja un ka

    raat-din jo mujhe ba-dida-e-nam dekhte hain

    apna rona bhi safi' ras na aaya hum ko

    us ko shikwa hai ki aankhen teri nam dekhte hain

    Source :
    • Book : Kulliyat-e-Safi (Pg. 194)
    • Author : Safi Auranjabadi
    • Publication : Urdu Acadami Hayderabad (2000)
    • Edition : 2000
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY