dost kuchh aur bhi hain tere alawa mere dost
dost kuchh aur bhī haiñ tere alāva mire dost
ka.ī sahrā mire hamdam ka.ī dariyā mire dost
tū bhī ho maiñ bhī huuñ ik jagah pe aur vaqt bhī ho
itnī gunjā.isheñ rakhtī nahīñ duniyā mire dost!
terī āñkhoñ pe mirā ḳhvāb-e-safar ḳhatm huā
jaise sāhil pe utar jaa.e safīna mire dost!
ziist be-ma.anī vahī be-sar-o-sāmānī vahī
phir bhī jab tak hai tirī dhuup kā saayā mire dost!
ab to lagtā hai judā.ī kā sabab kuchh bhī na thā
aadmī bhuul bhī saktā hai na rastā mire dost!
raah takte haiñ kahīñ duur ka.ī sust charāġh
aur havā tez huī jaatī hai achchhā mire dost!
dost kuchh aur bhi hain tere alawa mere dost
kai sahra mere hamdam kai dariya mere dost
tu bhi ho main bhi hun ek jagah pe aur waqt bhi ho
itni gunjaishen rakhti nahin duniya mere dost!
teri aankhon pe mera KHwab-e-safar KHatm hua
jaise sahil pe utar jae safina mere dost!
zist be-mani wahi be-sar-o-samani wahi
phir bhi jab tak hai teri dhup ka saya mere dost!
ab to lagta hai judai ka sabab kuchh bhi na tha
aadmi bhul bhi sakta hai na rasta mere dost!
rah takte hain kahin dur kai sust charagh
aur hawa tez hui jati hai achchha mere dost!
- Book : Ghazal Calendar-2015 (Pg. 28.01.2015)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
