dosto tumne ajab ye ehtimam-e-gham kiya

dosto tum ne 'ajab ye ehtimām-e-ġham kiyā

qatl sūraj kar diyā phir raat bhar mātam kiyā

yaad rakhegī ye duniyā us ko sadiyoñ dosto

jān-e-bar-haq jis ne de dī sar na lekin ḳham kiyā

kāmyābī kis tarah hotī hameñ hāsil bhalā

sochte aksar rahe ham kaam lekin kam kiyā

kārzār-e-zindagī meñ ḳhud ko ham ne dosto

bārhā sho.ala kiyā to bārhā shabnam kiyā

ek muddat se hamāre darmiyāñ thī dostī

us ne kaise dushmanī kā faisla ik dam kiyā

vahshateñ palne lagīñ 'mas.ūd' saare shahr meñ

jab se milnā aadmī ne aadmī se kam kiyā

dosto tum ne 'ajab ye ehtimam-e-gham kiya

qatl suraj kar diya phir raat bhar matam kiya

yaad rakhegi ye duniya us ko sadiyon dosto

jaan-e-bar-haq jis ne de di sar na lekin KHam kiya

kaamyabi kis tarah hoti hamein hasil bhala

sochte aksar rahe hum kaam lekin kam kiya

karzar-e-zindagi mein KHud ko hum ne dosto

barha shoala kiya to barha shabnam kiya

ek muddat se hamare darmiyan thi dosti

us ne kaise dushmani ka faisla ek dam kiya

wahshaten palne lagin 'masud' sare shahr mein

jab se milna aadmi ne aadmi se kam kiya