dozaKH bhi kya guman hai jannat bhi hai fareb

Arif Shafiq

dozaKH bhi kya guman hai jannat bhi hai fareb

Arif Shafiq

MORE BYArif Shafiq

    dozaḳh bhī kyā gumān hai jannat bhī hai fareb

    in vasvasoñ meñ merī ibādat bhī hai fareb

    dariyā o dasht aur samundar bhī haiñ sarāb

    din ujālā raat zulmat bhī hai fareb

    terā har ik ḳhayāl bhī ik ḳhushnumā gumān

    duniyā kyā ḳhud apnī haqīqat bhī hai fareb

    parchhā.īñ ke sivā to nahīñ haiñ ham aur kuchh

    ye rañg-o-nūr aur ye nik.hat bhī hai fareb

    roz-e-azal lamha-e-maujūd bhī hai aks

    ya.anī guzarte vaqt saa.at bhī hai fareb

    vahm-o-gumāñ ke saa.e haiñ sūraj bhī chāñd bhī

    andhī hai soch aur basārat bhī hai fareb

    hai ye nigār-ḳhāna jo ḳhvāb-o-ḳhayāl

    is ā.īne meñ merī ye sūrat bhī hai fareb

    'ārif'-husain dhokā sahī apnī zindagī

    is zindagī ke ba.ad hālat bhī hai fareb

    dozaKH bhi kya guman hai jannat bhi hai fareb

    in waswason mein meri ibaadat bhi hai fareb

    dariya o dasht aur samundar bhi hain sarab

    din ka ujala raat ki zulmat bhi hai fareb

    tera har ek KHayal bhi ek KHushnuma guman

    duniya hi kya KHud apni haqiqat bhi hai fareb

    parchhain ke siwa to nahin hain hum aur kuchh

    ye rang-o-nur aur ye nikhat bhi hai fareb

    roz-e-azal ka lamha-e-maujud bhi hai aks

    yani guzarte waqt ki saat bhi hai fareb

    wahm-o-guman ke sae hain suraj bhi chand bhi

    andhi hai soch aur basarat bhi hai fareb

    hai ye nigar-KHana jo KHwab-o-KHayal sa

    is aaine mein meri ye surat bhi hai fareb

    'arif'-husain dhoka sahi apni zindagi

    is zindagi ke baad ki haalat bhi hai fareb

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY