dua ki rakh pe marmar ka itr-dan us ka

duā kī raakh pe marmar kā itr-dāñ us kā

gazīdgī ke liye dast-e-mehrbāñ us kā

gahan ke roz vo dāġhī huī jabīñ us kī

shab-e-shikast vahī jism be-amāñ us kā

kamand-e-ġhair meñ sab asp o gosfand us ke

nasheb-e-ḳhāk meñ ḳhufta-sitāra-dāñ us kā

tannūr-e-yaḳh meñ ThiThurte haiñ ḳhvāb o ḳhuuñ us ke

likhā hai naam sar-e-lauh-e-raftagāñ us kā

chunī huī haiñ tah-e-ḳhisht uñgliyāñ us kī

khulā huā hai pas-e-reg bādbāñ us kā

vo ik charāġh hai dīvār-e-ḳhastagī pe rukā

havā ho tez to har haal meñ ziyāñ us kā

usī se dhuup hai ambār-e-dhund hai rū-posh

giraft-e-ḳhvāb se barsar hai kārvāñ us kā

dua ki rakh pe marmar ka itr-dan us ka

gazidgi ke liye dast-e-mehrban us ka

gahan ke roz wo daghi hui jabin us ki

shab-e-shikast wahi jism be-aman us ka

kamand-e-ghair mein sab asp o gosfand us ke

nasheb-e-KHak mein KHufta-sitara-dan us ka

tannur-e-yaKH mein ThiThurte hain KHwab o KHun us ke

likha hai nam sar-e-lauh-e-raftagan us ka

chuni hui hain tah-e-KHisht ungliyan us ki

khula hua hai pas-e-reg baadban us ka

wo ek charagh hai diwar-e-KHastagi pe ruka

hawa ho tez to har haal mein ziyan us ka

usi se dhup hai ambar-e-dhund hai ru-posh

giraft-e-KHwab se barsar hai karwan us ka