دعا کسی کی کرے یا نہ مستجاب کرے

دعا کسی کی کرے یا نہ مستجاب کرے

مگر تو چاہے تو ذرے کو آفتاب کرے

گناہ بھی جو کرے رشک صد ثواب کرے

جو ناروا ہو اسے بھی روا شباب کرے

مری نظر کہ جسے چاہے بے نقاب کرے

خدا وہ دن تو دکھائے جو تو حجاب کرے

مرا یہ کام کہ میری طلب مسلسل صدق

ترا یہ کام کہ جب چاہے کامیاب کرے

نہ خوف پرسش محشر نہ فکر روز حساب

بشر گناہ پر آئے تو بے حساب کرے

خرد سے بن نہ پڑی کچھ تو کہہ دیا دل سے

خدا تجھے ترے مقصد میں کامیاب کرے

سحرؔ کو توبہ سے انکار تو نہیں لیکن

نگاہ مست اگر مائل شراب کرے