دکھ میں میرا ہوا کرے کوئی
دکھ میں میرا ہوا کرے کوئی
میرے سنگ سنگ چلا کرے کوئی
میں ازل سے ہوں آج تک تنہا
میرے دکھ کی دوا کرے کوئی
فلسفے تو سمجھ سے باہر ہیں
سادی باتیں کیا کرے کوئی
میرا دکھ بھی بھلا کوئی دکھ ہے
تیرے دکھ کی دوا کرے کوئی
یوں تو کہنے کو سب ہی ہیں اپنے
اپنا سچ مچ ہوا کرے کوئی
قتل اس نے کیا ہے نظروں سے
ایسے قاتل کا کیا کرے کوئی
میری کشتی بچائی ہے رب نے
ناخدا تیرا کیا کرے کوئی
مرنے والوں کو مل گیا آرام
زندہ لاشوں کا کیا کرے کوئی
خود تو سرکش ہے اور کہتا ہے
مجھ سے جھک کر ملا کرے کوئی
آپ کا ہو گیا ہوں میں ساحلؔ
آ کے اتنا کہا کرے کوئی
مأخذ:
انتخاب (Pg. 16)
- مصنف: رام چندر ورما ساحل
-
- ناشر: نیو پرنٹ سنٹر، دہلی
- سن اشاعت: 2014
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
