duniya ke janjal na puchh

duniyā ke janjāl na pūchh

tujh bin merā haal na pūchh

kis ne liyā sar āñkhoñ par

kis ne kiyā pāmāl na pūchh

us kī āñkhoñ ko tū paḌh

kyuuñ hai chehra laal na pūchh

bikhar gayā reza reza

jīvan kā bhauñchāl na pūchh

mustaqbil ke sapne dekh

biite māh-o-sāl na pūchh

tū jo chāhe hukm sunā

mujh se mire a.amāl na pūchh

'mīr' ke ghar kī hālat dekh

mere ghar kā haal na pūchh

jis ne bachāyā ḳhanjar se

kis kī thī vo Dhaal na pūchh

kaise deñ bachchoñ ko 'azīz'

sabzī roTī daal na pūchh

duniya ke janjal na puchh

tujh bin mera haal na puchh

kis ne liya sar aankhon par

kis ne kiya pamal na puchh

us ki aankhon ko tu paDh

kyun hai chehra lal na puchh

bikhar gaya reza reza

jiwan ka bhaunchaal na puchh

mustaqbil ke sapne dekh

bite mah-o-sal na puchh

tu jo chahe hukm suna

mujh se mere aamal na puchh

'mir' ke ghar ki haalat dekh

mere ghar ka haal na puchh

jis ne bachaya KHanjar se

kis ki thi wo Dhaal na puchh

kaise den bachchon ko 'aziz'

sabzi roTi dal na puchh