duniya ke sath bhiD mein chalne ke shauq mein
duniyā ke saath bhiiḌ meñ chalne ke shauq meñ
bhaTke bahut haiñ log sañbhalne ke shauq meñ
badle haiñ itne rang ki be-rang ho ga.e
terī ḳhushī ke rang meñ Dhalne ke shauq meñ
chhātā ḳharīd laa.e haiñ bāzār se nayā
bārish meñ tere saath Tahalne ke shauq meñ
huliya alag hai 'jaun' se par ġham nahīñ alag
shā'ir hue haiñ ḳhuun ugalne ke shauq meñ
baiThe-biThā.e tum ne jalā liiñ nā uñgliyāñ
'shākir' parā.ī aag meñ jalne ke shauq meñ
duniya ke sath bhiD mein chalne ke shauq mein
bhaTke bahut hain log sanbhalne ke shauq mein
badle hain itne rang ki be-rang ho gae
teri KHushi ke rang mein Dhalne ke shauq mein
chhata KHarid lae hain bazar se naya
barish mein tere sath Tahalne ke shauq mein
huliya alag hai 'jaun' se par gham nahin alag
sha'ir hue hain KHun ugalne ke shauq mein
baiThe-biThae tum ne jala lin na ungliyan
'shakir' parai aag mein jalne ke shauq mein
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
