duniya ko dekhiye zara aankhen to kholiye

Murtaza Barlas

duniya ko dekhiye zara aankhen to kholiye

Murtaza Barlas

MORE BYMurtaza Barlas

    duniyā ko dekhiye zarā āñkheñ to kholiye

    sūraj chaḌhā hai sar pe baḌī der so liye

    saarī masarrateñ tirī ḳhushiyoñ pe vaar diiñ

    jitne bhī ġham mile tire ġham meñ samo liye

    ham ko na-jāne kyā huā phūloñ ko dekh kar

    hāthoñ meñ ham ne jaan ke kāñTe chubho liye

    majbūriyāñ kaheñ ki ise sādgī kaheñ

    jis ne bhī hañs ke baat ham saath ho liye

    rū-e-ḳhitāb hai kisī nāzuk-mizāj se

    chehre pe haal likhiye nigāhoñ se boliye

    siipī khulī rahegī jo motī nikal ga.e

    āñkhoñ sīpiyoñ se javāhar na roliye

    taaza rakhā hai zehn meñ karb-e-shikastagī

    jab kuchh na ban paḌā to kahīñ chhup ke ro liye

    duniya ko dekhiye zara aankhen to kholiye

    suraj chaDha hai sar pe baDi der so liye

    sari masarraten teri KHushiyon pe war din

    jitne bhi gham mile tere gham mein samo liye

    hum ko na-jaane kya hua phulon ko dekh kar

    hathon mein hum ne jaan ke kanTe chubho liye

    majburiyan kahen ki ise sadgi kahen

    jis ne bhi hans ke baat ki hum sath ho liye

    ru-e-KHitab hai kisi nazuk-mizaj se

    chehre pe haal likhiye nigahon se boliye

    sipi khuli rahegi jo moti nikal gae

    aankhon ki sipiyon se jawahar na roliye

    taza rakha hai zehn mein karb-e-shikastagi

    jab kuchh na ban paDa to kahin chhup ke ro liye

    Source :
    • Book : kulliyat -e-Murtaza Barlas (Pg. 101)
    • Author : Murtaza Barlas
    • Publication : Alhamd Publication Lahore (2011)
    • Edition : 2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY