duniya ko hai yaqin mera waqt-e-zawal hai

duniyā ko hai yaqīñ mirā vaqt-e-zavāl hai

roz-e-azal ke nuur tirā kyā ḳhayāl hai

kyā maiñ asīr-e-zulm-o-sitam roz-o-shab nahīñ

ai rabb-e-zul-jalāl tirā kyā ḳhayāl hai

sāhil pe lā ke jis ne safīne jalā diye

is nāḳhudā ke puḳhta yaqīñ kā kamāl hai

tujh se mire charāġh kī lo bujh na pā.egī

pāgal havā ke zor tirī kyā majāl hai

mausam kī saḳhtiyoñ se bachātī rahī mujhe

ai maañ tirā ḳhulūs samajhnā muhāl hai

milte nahīñ haiñ kyoñ tire bheje hue ḳhutūt

hotā nahīñ yaqīñ mire qāsid kī chaal hai

'jāved' bazm-e-sher-o-suḳhan meñ sunā.iye

vo ik ġhazal jo aap ke fan kā kamāl hai

duniya ko hai yaqin mera waqt-e-zawal hai

roz-e-azal ke nur tera kya KHayal hai

kya main asir-e-zulm-o-sitam roz-o-shab nahin

ai rabb-e-zul-jalal tera kya KHayal hai

sahil pe la ke jis ne safine jala diye

is naKHuda ke puKHta yaqin ka kamal hai

tujh se mere charagh ki lo bujh na paegi

pagal hawa ke zor teri kya majal hai

mausam ki saKHtiyon se bachati rahi mujhe

ai man tera KHulus samajhna muhaal hai

milte nahin hain kyon tere bheje hue KHutut

hota nahin yaqin mere qasid ki chaal hai

'jawed' bazm-e-sher-o-suKHan mein sunaiye

wo ek ghazal jo aap ke fan ka kamal hai