duniya ko har chiz dikhai ja sakti hai

duniyā ko har chiiz dikhā.ī jā saktī hai

patthar meñ bhī aañkh banā.ī jā saktī hai

dil kī miTTī kī zarḳhezī aisī hai ki

kaisī bhī ho chiiz ugaa.ī jā saktī hai

hijr kā mausam vo mausam hai jis meñ jānāñ

āñkhoñ meñ bhī raat bitā.ī jā saktī hai

patthar ko Thokar kī had tak tum na jaano

patthar se to aag lagā.ī jā saktī hai

ḳhud ke hone kā ehsās dilātā hai vo

is Dar se ki us kī ḳhudā.ī jā saktī hai

dil kī baazī aisī baazī hai jis meñ ham

hāreñ bhī to jiit manā.ī jā saktī hai

mujh ko saare naqsh adhūre dikhte haiñ ab

ya.anī mujh pe gaaj girā.ī jā saktī hai

duniya ko har chiz dikhai ja sakti hai

patthar mein bhi aankh banai ja sakti hai

dil ki miTTi ki zarKHezi aisi hai ki

kaisi bhi ho chiz ugai ja sakti hai

hijr ka mausam wo mausam hai jis mein jaanan

aankhon mein bhi raat bitai ja sakti hai

patthar ko Thokar ki had tak tum na jaano

patthar se to aag lagai ja sakti hai

KHud ke hone ka ehsas dilata hai wo

is Dar se ki us ki KHudai ja sakti hai

dil ki bazi aisi bazi hai jis mein hum

haaren bhi to jit manai ja sakti hai

mujh ko sare naqsh adhure dikhte hain ab

yani mujh pe gaj girai ja sakti hai