duniya ko kya KHabar? meri duniya phir aa gai
duniyā ko kyā ḳhabar? mirī duniyā phir aa ga.ī
vo rūh-e-nāz o jān-e-tamannā phir aa ga.ī
ai rūh-e-qais! tahniyat-e-shauq de mujhe
lailā phir aa ga.ī mirī lailā phir aa ga.ī
ab aur kyā hai chashm-e-tamāshā kī aarzū
vo ārzū-e-chashm-e-tamāshā phir aa ga.ī
kahte hue ki aap ke sirf aap ke liye
sab se bichhaḌ ke aap kī azrā phir aa ga.ī
rūThe hue the aap manāne ke vāste
ye mujrim-e-gunāh-e-tamannā phir aa ga.ī
ahbāb-e-rāz-dāñ meñ yahī tazkira hai aaj
furqat-zada 'ra.īs' kī duniyā phir aa ga.ī
duniya ko kya KHabar? meri duniya phir aa gai
wo ruh-e-naz o jaan-e-tamanna phir aa gai
ai ruh-e-qais! tahniyat-e-shauq de mujhe
laila phir aa gai meri laila phir aa gai
ab aur kya hai chashm-e-tamasha ki aarzu
wo aarzu-e-chashm-e-tamasha phir aa gai
kahte hue ki aap ke sirf aap ke liye
sab se bichhaD ke aap ki azra phir aa gai
ruThe hue the aap manane ke waste
ye mujrim-e-gunah-e-tamanna phir aa gai
ahbab-e-raaz-dan mein yahi tazkira hai aaj
furqat-zada 'rais' ki duniya phir aa gai
Source:
Hikayat-e-nai (Pg. 80)
- Author: Rais Amrohvi
-
- Edition: 1975
- Publisher: Rais Acadami, Garden Est. Krachi-3
- Year of Publication: 1975
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
