duniya se har rishta toDa KHud se ru-gardani ki
duniyā se har rishta toḌā ḳhud se rū-gardānī kī
sirf tumhārā dhyān rakhā aur jiine meñ āsānī kī
majnūñ aur farhād hue jab ishq meñ sab barbād hue
tab jañgal ne kuuch kiyā sahrā ne naql-e-makānī kī
us kī mohnī sūrat jaise phūloñ kā āmeza hai
aur us kī āvāz hai goyā re-gā-mā-pā-dhānī kī
bhūlī-bisrī yaad ne jab daryāft kiyā ahvāl mirā
dil ne zaḳhm kalām kiyā āñkhoñ ne ashk-bayānī kī
ilm kā dam bharnā chhoḌo bhī aur amal ko bhuul bhī jaao
ā.īna-ḳhāne meñ ho sāhib fikr karo hairānī kī
duniya se har rishta toDa KHud se ru-gardani ki
sirf tumhaara dhyan rakha aur jine mein aasani ki
majnun aur farhad hue jab ishq mein sab barbaad hue
tab jangal ne kuch kiya sahra ne naql-e-makani ki
us ki mohni surat jaise phulon ka aameza hai
aur us ki aawaz hai goya re-ga-ma-pa-dhani ki
bhuli-bisri yaad ne jab daryaft kiya ahwal mera
dil ne zaKHm kalam kiya aankhon ne ashk-bayani ki
ilm ka dam bharna chhoDo bhi aur amal ko bhul bhi jao
aaina-KHane mein ho sahib fikr karo hairani ki
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
