duniya ye mujhe hashr ka bazar lage hai
duniyā ye mujhe hashr kā bāzār lage hai
har shaḳhs musībat meñ giraftār lage hai
is haal meñ insāf kahāñ māñgne jaa.eñ
munsif bhī to mujrim kā taraf-dār lage hai
is daur kā kyā haal hai ye aap samajh leñ
sach bolne vaalā mujhe autār lage hai
jazbāt meñ sho'le na ḳhayālāt meñ garmī
majnūñ bhī mujhe 'aql kā bīmār lage hai
ho pyaar kā iz.hār ki dukh dard kī bāteñ
is shahr meñ har shaḳhs adākār lage hai
ye kaun sī manzil hai kahāñ aa ke khaḌā huuñ
dil aaj tire naam se bezār lage hai
bārūd ke ambār pe Thahrī hai ye duniyā
is daur meñ jiinā bhī chamatkār lage hai
duniya ye mujhe hashr ka bazar lage hai
har shaKHs musibat mein giraftar lage hai
is haal mein insaf kahan mangne jaen
munsif bhi to mujrim ka taraf-dar lage hai
is daur ka kya haal hai ye aap samajh len
sach bolne wala mujhe autar lage hai
jazbaat mein sho'le na KHayalat mein garmi
majnun bhi mujhe 'aql ka bimar lage hai
ho pyar ka izhaar ki dukh dard ki baaten
is shahr mein har shaKHs adakar lage hai
ye kaun si manzil hai kahan aa ke khaDa hun
dil aaj tere nam se bezar lage hai
barud ke ambar pe Thahri hai ye duniya
is daur mein jina bhi chamatkar lage hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
