dushman ke tanz ko bhi saliqe se Tal de

Masoom Sharqi

dushman ke tanz ko bhi saliqe se Tal de

Masoom Sharqi

MORE BYMasoom Sharqi

    dushman ke tanz ko bhī salīqe se Taal de

    apne mazāq-e-tab.a aisī misāl de

    baḳhshe bahār ko jo na shā.istagī rañg

    aisī har ek shai ko chaman se nikāl de

    pichhlī rutoñ ke daaġh to sab maañd paḌ ga.e

    ab ke bahār zaḳhm koī lā-zavāl de

    maiñ bhī to rāh-rau huuñ tirā rahguzār-e-shauq

    thoḌī dhuul merī taraf bhī uchhāl de

    'ma.asūm' sāf-goī baḌī chiiz hai magar

    aisā na ho kahīñ ye musībat meñ Daal de

    dushman ke tanz ko bhi saliqe se Tal de

    apne mazaq-e-taba ki aisi misal de

    baKHshe bahaar ko jo na shaistagi ka rang

    aisi har ek shai ko chaman se nikal de

    pichhli ruton ke dagh to sab mand paD gae

    ab ke bahaar zaKHm koi la-zawal de

    main bhi to rah-rau hun tera rahguzar-e-shauq

    thoDi si dhul meri taraf bhi uchhaal de

    'masum' saf-goi baDi chiz hai magar

    aisa na ho kahin ye musibat mein Dal de

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY